चला आता आयपीएल बघायला मोकळे !!!

देशात एका नव्या क्रांती साठी ७८ वर्षाचा तरुण सलग ७८ तास उपोषणास बसून भ्रष्टाचाराविरुद्ध बिगुल वाजवतो आणि दुसरीकडे मात्र करोडो रुपयाचा क्षणात चकाचुर करणारा आयपीएल उद्घाटन सोहळा बघण्यात आपण मश्ग्गुल आहोत. काय म्हणावे याला ? भारत आणि इंडिया असा फरक पहिल्या पासूनच दिसत असतानाच आता श्रीमत आणि सर्वसामान्य असाच फरक या आंदोलनात प्रामुख्याने दिसून आला. कालच मुंबई मेघा पाटकरांच्या आंदोलनाला म्हणावा तसा तरुण दिसत न्हवता. आज मात्र सुट्टी घेत मेणबत्ती पेटवून गेटवे पर्यंत हजारो तरुण आणि सिने कलाकार एकत्र आले होते.

जंतर मंतर येथील अण्णा हजारेंच्या आंदोलना देशातून क्षणा-क्षणाला पाठींबा वाढतच होता आणि याचीच प्रचीती म्हणजे सरकारवर दबाव वाढत होता. अखेर १०.३० वाजता अण्णांनी आपण आपल्या सगळ्या मान्य झाल्यामुळे उद्या १०.३० वाजता उपोषण सोडण्याची घोषणा केली आणि जंतर मंतर बरोबरच ठीक ठिकाणच्या आंदोलन कर्त्यांनी जल्लोष केला. पण दिवसभर काम करून आलेल्या आपल्यापैकी काहींनी हि बातमी पाहण्या पूर्वी मात्र सेट म्याक्स वर आयपीएल उद्घाटन सोहळा आणि नंतर धोनी विरुद्ध गंभीरचा सामना पाहण्यात धन्यता मानली. कारण त्यांना ७८ वर्षाच्या तरुणतुर्क अण्णा पेक्षा नाचणाऱ्या तरुण चेयर गिर्ल्स पहायच्या होत्या. पण ह्या क्षणिक मनोरंजनापेक्षा देश भ्रष्टाचाराच्या खाईत लोटत आहे याची साधी चिंता हि नव्हती. आंदोलन वगैरे हि आपली कामे नाही. आपण सकाळी उठून कामावर जायचे, महिन्याच्या सुरुवातीला पगार घ्यायचा आणि आरामात महिनाभर खर्च करायचा. हे सगळे कमीच कि काय म्हणून, उपोषणाची बातमी कानावर आल्यावर हुश्श "चला आता आयपीएल बघायला मोकळे !!!" म्हणत कहरच केला.

आता एक प्रश्न उनुत्तरीतच राहतो तो म्हणजे आपण खरच भ्रष्टाचारी मुक्त भारत बनवू ? अण्णांनी ज्यासाठी सलग ७८ तास केलेल्या परिश्रमाचे चीज होईल का ? आज "गली ग

ली मे शोर है सभी नेता चोर है" असे कोकलून सांगणारे हे युवक उद्या सिग्नल तोडल्यावर ट्राफिक हवालदाराला चिरीमिरी न देता योग्य दंड भरतील का ? डोनेशन न देता शाळा-महाविद्यालयात प्रवेश घेतील का ? भ्रष्टाचार समूळ नष्ट करण्यासाठी आपण सक्षमता दाखवू का ? आपण प्रामाणिक असू का हा खरा प्रश्न सतत सतावतो आहे.