"आपल काम झाल बस्स ! मग दुसरा जगो कि मरो " हि प्रवृत्ती जो पर्यंत जात नाही तो पर्यंत काही होणार नाही. सरकारी पैसा म्हणजे लोकांचा पैसा ! मग आपल्याला काय करायचं ? त्या पैशाच काहीही होवो, आपली पोतडी भरते ना. अरे पण लोकांचा पैसा म्हणजे कुणाचा ? कर रूपाने आलेला प्रत्येक भारतीयाचाच ना ? मग तुम्ही पण कर दाते आहातच ना ? तुमचा पण वाटा आहे त्यात ? जसे आपण घरच काम करताना अतिरिक्त पैसे न देता काम करून घेतो ना , मग सरकारी काम करताना जास्तीचे पैसे का वाया घालवतोय , स्वताची तुमडी का भरतोय ? जर हाच पैसा कसा खर्च होतो यावर जबाबदारीने लक्ष ठेवले तर चांगली कामे होतील आणि दर्जेदार व्यवस्थापन देखील.
भ्रष्टाचारा बद्दल सगळ्यांना चीड आहे पण, जेव्हा आपल काम होत नाही तेव्हा. जर पैसे भरून आपल काम झाल कि चिडीचूप होतो आपण , त्यावेळी बोलेल का कोण ?? पण जर दुसर्याचे काम झाले तर मात्र त्याने वशिला लावला म्हणून बोंब मारतो. पण आपणच किती बरबटलेले आहोत त्याकडे दुर्लक्ष होत. रस्त्यात खड्डे पाहून सरकारी बाबुना का शाहनपण सुचत नाही ,त्याच रस्त्याने ये-जा करायचे तर मग योग्य माणसाकडूनच चागले काम करून घेतल्याने आपलाही प्रवास सुखकर होईल. हे त्यांच्या डोक्यात रुजवले पाहिजे. सामान्य नागरिक म्हणून रस्त्यावरील कामांवर लक्ष ठेवणे आपलीही जबाबदारी आहे.
काही तरी केल पाहिजे ! भारतीय तरुणांसमोर हा मोठा प्रश्न उभा आहे . पण अस म्हणण्या आधी आपण भ्रष्टाचारी नाही ना याचा विचार करा ! मग नक्की काय करायचं हा यक्ष प्रश्न पडणार नाही. मी जर काही दिलाच नाही तर समोरचा घेणार कसा ? म्हणजे भ्रष्टाचाराला स्वत जबाबदार माना, तो करू नका आणि करू देऊ नका. नाहीतर मी नाही त्यातली आणि.....
सर्वच थरातून प्रत्येक माणसाकडून भ्रष्टाचारा विरुद्ध लढ्याला पाठींबा मिळतो आहे. मुंबई, पुणे, दिल्ली, अशा प्रमुख शहर बरोबरच अनेक गाव-गावातून लोक उपोषणाला बसले आहेत, निवेदने देत आहेत चक्क facebook वर ५ लाख ७० हजार तरूणांच पाठींबा अण्णांना मिळाला आहे. अण्णांच्या आंदोलनाने एक दिशा मिळाली आहे. आजपर्यंत जो भ्रष्टाचार झाला आहे तो संगनमताने झाला आहे. सरकारी बाबू आणि सरकारी मंत्री मिळून मिसळून हि कृते करत असतात. लोकपाल विधेयकाच्या निमित्ताने यावर वाचक ठेवता येईल असा प्रथम दर्शनी विश्वास वाटतोय खरा , बघू आता तरी सरकार जागे होईल काय ?
- कृष्णदर्शन जाधव (kdarsh @gmail.com)
No comments:
Post a Comment